美國音樂頒獎禮（AMAs）得獎名單已公佈得七七八八，整個過程中都不乏感人場面。當中包括飽歷肌肉痛症痛苦嘅Lady GaGa再踏舞台表演，但因為忙於演唱會而缺席AMAs，之後大會專程去佢演唱會現場頒獎，佢得到最愛流行/搖滾女歌手，佢非常之激動，又將獎項獻俾家人同粉絲。另外最感人一幕就係Linkin Park奪獎，佢哋得到最愛另類搖滾歌手，得獎時佢哋向已故嘅主音Chester Bennington致敬：「我哋想將呢個獎向佢（Chester）致敬，向佢嘅記憶、才華、幽默、快樂致敬。你哋，今晚在場嘅你哋要記住，不論你係粉絲定歌手，我想你哋珍惜自己有嘅嘢，要令到Chester驕傲。」感人致辭令全場非常感動。另外大獎年度歌手就由Bruno Mars奪得。