今日梁思浩率領一眾囡囡，到汀九一酒店宣傳節目《怪談‧6魔女》，思浴先介紹6個女仔，再請泰國法師加持。輪到最性感嘅仙樂都時，法師就話佢身上有鬼，喺膊頭同背，叫佢行路要小心，唔好跌親受傷喎。

事後仙樂都顯得憂心忡忡，佢話之前朋友話過佢有靈體附身，做過法事，點知今次又有法師咁講，令佢好緊張，唔知係咪新嘅靈體。仙樂都仲話，之前拍攝嗰陣，去墳場同靈體影合照，有人話睇到有靈體喺佢左邊，仙樂都聞言即聞到一陣爛肉味……。

因為法師叫佢行路小心，故仙樂都話只會著正常旅行裝，但因為今日要好似潑水節咁，所以先至咁性感。佢又話，試過有次拍攝法師壇前驅魔，佢負責「訪問」靈體，但可能多口咗，結果俾靈體上身喎……真係怪談!