【新增短片】
Do You Hear The People Sing？喺全城大戒備鐵馬同水馬處處之下，即將喺周四起訪港三日嘅國家主席習近平，到底可唔可以喺訪港期間聽到港人心聲？相信唔少市民同八方一樣，唔多抱有期望，但都唔等於要封口變鵪鶉。

錢志健同立法會議員毛孟靜等人發起喺「萬人唱‧ 萬人Share」活動，會喺今日、習大大抵步當日即係29日以及7.1，以歌聲唱出心聲。今日佢哋先喺終審法院外開腔，咁又係，回歸後特區法治受到唔少衝擊，確實要捍衛。

佢哋話3年前、即係2015年，一個《孩子問：誰還未覺醒》MV打動人心，既然習大大3年後到訪，普選仲未見盡頭，而港人心仍未冷，梗係要繼續SING。