西布朗今晚會喺英超作客阿仙奴，如果中場巴利有份上陣嘅話，就會喺英超踢第633場波，打破曼聯名宿傑斯嘅紀錄。睇番最近四場聯賽，巴利都正選上陣兼踢足全場，呢個紀錄怕且都破硬㗎喇！值得留意嘅係，巴利喺英超踢咗咁多年波，原來連累到另外一支英超球隊躺著中槍！

●巴利生涯踢過622場英超，總共上陣52,871分鐘；
●巴利係英超嘅黃牌之王，被記名119次，總共有40位球證畀過牌佢；
●如果每位球員每場英超喺90分鐘跑10.5公里嘅話，巴利嘅生涯總共跑咗3,832哩，足夠由曼徹斯特跑去芝加哥有找；
●英超史上只係得13支球隊踢嘅英超金場數比巴利多，其中一隊係布力般流浪；
●巴利生涯贏過261場英超，仲多過修咸頓（223場）！