葵涌梨木樹邨居民關先生向本報投訴稱，他本使用香港寬頻固網電話網絡，去年12月，他得悉和記環球電訊固網電話收費較廉宜，故轉用和記環球電訊固網電話網絡，雙方簽署十八個月合約，並於去年12月23日生效。
關先生稱，他使用和記環球電訊固網電話只有一天，電話突然無法通話；他向和記環球電訊查問，和記直稱，未能向他提供線路，着他轉線往其他電訊公司網絡。
「用一日突然用唔到」
「有冇搞錯，明明簽晒合約，用咗一日突然話用唔到，有冇兒嬉啲呀？事前又唔通知，𠵱家要我再搵過第二間公司，又要時間搞手續等轉線，搞到我屋企冇電話用，同外面通訊要用手提電話，用晒我啲通話時間，好唔方便，我已經向電訊管理局投訴佢哋（和記環球電訊）。」
關先生稱，他經考慮後，轉用電訊盈科固網電話網絡，電盈稱今年1月10日可提供線路；可是直至當日，其家中電話依然未能接通，令他大為氣結；終於等到1月17日，他才獲提供線路，有固網電話可用。
「諗唔到𠵱家電話轉線咁普遍，都重會發生咁嘅事，搞到我三個禮拜屋企冇電話用，啲公司真係要檢討吓！」
電訊管理局發言人回覆本報查詢表示，關先生去年底代表母親余女士，向電訊管理局投訴和記環球電訊固網服務，電訊管理局即跟進其投訴。