噚日美國最高法院裁定，全美50州同性婚姻合法化，同性伴侶有權喺全美國結婚，而喺2001年公開出櫃嘅台灣名嘴蔡康永，得知呢個消息之後，都將Facebook嘅頭像加上彩虹，仲話：「大部分的所謂『一天』，就只是睡著後就過去了的，24小時；而夠美好的『一天』，卻會仁慈的澤及好多好多人的、接下去的好多好多個，24小時……」

早前蔡康永就上一個內地節目，話自己出咗櫃14年，成為咗「出櫃導師」，仲邊講邊哽咽話自企喺「一個孤單的立場」(新聞連結： http://bit.ly/1HmeSzs )，而今日蔡康永轉咗彩虹頭像之後，都有好多人留言，都係支持蔡康永，而支持嘅人都係用彩虹頭像。

除咗蔡康永之外，黑人陳建州同老婆范瑋琪都轉咗彩虹頭像，不過因為佢哋兩公婆都係基督徒，所以就有網民喺佢哋facebook留言：「所以基督徒不是都反對的嗎？感動在生活中慢慢的多了許多。」而黑人都回覆話：「上帝愛每一個人！」而老婆范瑋琪都喺自己嘅頭像留言話：「神愛世人。」