當年今日
關於我們

父親最流行:
呢個爸爸最潮靚Tee型手繩攬上身

蘋果日報 2003/06/15 00:00


短短一條東角道,人流最旺的是東角駅商場,有心逛,準夠你行一天半日。
場內店舖,佔百分之八十賣潮流時裝、手飾精品,一瞥,男人準會耍手擰頭。
今天是父親節,爸爸們姑且給點耐性,細心點看,你會發現東角駅一樣啱逛。
獨一無二彩畫Tee
老闆叫Tiger,名字有氣勢,為人斯文有禮,有禮還有禮,但他固執,固執源自那股藝術家脾氣,每日開工,整裝待發,裝備如下:無耳洞的左耳扣上耳環,胸前掛上藍色印第安頸鏈與砌圖銀鏈各一,左手戴2條手繩、1隻手鈪加2隻搪瓷戒指,缺一不開工:「我係全職雕刻師,點都要有番個藝術Look,其間做過5年業餘攝影師,影過至少2000個女仔,600筒沙龍,畫畫一樣掂。」98年,香港經濟開始轉壞,生意少,開始畫彩畫Tee,幫補幫補。
有錢有尊嚴
為何Tee上面永遠是Q版公仔?「唔係唔識畫像真公仔,咁像真不如畫素描?Q版勝在過癮、生鬼,一見到就開心,你買件Tee都係想開心啫。我有個幾不設實際嘅諗法,想全世界所有人都着我嘅彩畫Tee,想所有人都開開心心。」收費,卻實際得多,鐵價$150畫1個人頭,沒討價還價餘地:「我畀歡樂你喎,你梗要畀歡樂我,有錢我先有歡樂、有尊嚴,講價?好似睇我唔起囉。」橫豎是父親節,姑且看起你,幫襯買件獨一無二彩畫Tee,當留念也好。


店舖:T4(23955691)
地址:銅鑼灣東角道24號東角馬尺115號舖
營業時間:1:00pm至11:00pm
彩畫Tee收費:$150畫1個人頭,包1件白色Tee,有大中小碼選擇
牛王Beams×Evisu保證真貨
阮少三十未出頭,衣着卻嫌土,Ivy皺眉:「你啲衫褲咁老土,等我帶你買番件日本潮貨。」有幾潮?Beams×Evisu牛王早排賣到斷市,連香港代理「1001」都缺貨,入Monogram,老闆傑仔高呼有得賣,阮少問價,$2880,再問貴在何處?傑仔解釋:「橙色代表Beams,『大M』代表Evisu,今年2月Beams喺代官山開分店,同Evisu搞Crossover,別注版嘛,梗矜貴啦。」阮少:「咁堅?」Ivy:「潮流友一望就知堅嘢啦。」嫌貴,可以考慮掃其他平價貨,雖舊,但抵買,諗得過。


店名:Monogram(29722122)
地址:銅鑼灣東角道24號東角馬尺217號舖
營業時間:1:00pm至11:00pm
過癮男人精品
Ivy一怔:「買嚟做乜?」不吸煙的阮少對直立式煙灰缸感興趣:「買嚟當家居擺設都唔錯啫。」煙灰缸款式不同,各有機關,有些可伸縮,有些會自動清除煙嘴,設計獨特,難怪阮少動心。


店名:VMIConcept(28948157)
地址:銅鑼灣記利佐治街1號金百利商場319號舖
營業時間:2:00pm至11:00pm
手搖車花夠特色
「手搖車花係乜東東?」阮少拿着新到的Rfm2Tee問,店員小儀答:「Rfm2係日本牌子,特色係每件Tee例有搶眼字樣或Icon,全部用人手製,所以每件衫都會唔同。」揀完衫,試褲,阮少對及膝褲最感興趣,Ivy幫眼:「襯多條腰帶,型到痹呀。」「男人老狗着到五顏六色,點頂?」「成日着到灰灰黑黑咁,望落去都老幾年啦。」


店名:Channel8(28816071)
地址:銅鑼灣東角道24號東角馬尺152號舖
營業時間:1:00pm至11:00pm
型仔童裝小朋友至愛
振禮喊悶,嚷着要走,Ivy一句:「帶你買衫衫,咪嗌悶嘞!」即逗兒子開懷。「呢件女仔着㗎,揀過第二件啦。」入店,振禮左揀右揀,最後是不懂揀,因為這裏有齊Gap、小飛俠、Thomas、Disney等童裝名牌,顏色鮮豔到花多眼亂。免煩,Ivy親自為心肝寶貝添新衣,臨走,想起3歲大的兒子快將入讀幼稚園,買多個斜孭手提兩用書包,夠數,走人。


店名:KidsGate(28082434)
地址:銅鑼灣東角道24號東角馬尺128號舖
營業時間:2:00pm至11:00pm