【本報訊】九龍城多間學校聯手於牛津道遊樂場發起誓師大會，重申堅持五大訴求。參與學校包括喇沙書院、九龍民生書院、培道中學、嘉諾撒聖家書院、東華三院黃芴南中學、瑪利諾修院學校、賽馬會官立中學、何明華會督銀禧中學，以及早前曾發聲明公開譴責何君堯的香港兆基創意書院，逾200名同學出席，並在鐵欄掛上「讀聖賢書 所學何事」、「克己復禮 捍衞良知」等橫額。

家長帶小學女兒參與

各學校均有派代表發言，指中學生的暑假理應盡情玩樂，但現時被大人迫使要走上街頭，「成績喺我哋人生入面佔好少，但我哋除咗學生仲有另一個身份，就係香港人」。眾人隨後朗讀宣言，重申五大訴求，並呼籲大家周一參與罷課，到遮打花園集會。聯校樂團更帶同樂器即場演奏《願榮光歸香港》及《Do You Hear the People Sing?》等歌曲。

喇沙書院中五生梁同學帶着V煞面具出席集會，他希望臨近國慶，可喚起更多中學生關注反送中事件，「球迷都可以We connect，點解我哋唔得？」林鄭昨舉行首場社區對話，他笑言本來對她就「無期望」，「一場社區對話可以出咁多防暴警察，到底係對話定打仗？大家明啦」。同屬喇沙的柯同學及阿Ken是樂團的一員，二人認為活動可讓同學互勉，「其實𠵱家政府咁樣，你做咩遊行成效都唔會大，我哋都唔預期有咩效果，但叫做可以畀同學圍埋一齊，互相加油」。集會中不乏家長身影。何太帶同11歲的女兒出席，「佢都就快升中，想佢知吓發生咩事」。
■記者盧珮瑤