乙明邨居民向本報投訴,乙明邨對出大涌橋路城門河公園,以及邨內明耀樓對出休憩公園內,經常有數十名居民聚集賭錢,賭風熾烈,賭徒有年長居民,亦有中年漢。
「連啲差人都冇符」
居民指,聚賭情況已超過一年,多於每日下午二時六時間開檔,居民曾多次向管理公司及警方舉報,但每次掃蕩、驅趕後不久,又會死灰復燃。
「冚(檔)完再開(檔),開(檔)完再冚(檔),周而復始,搞到好似連啲差人都冇晒符!」
居民表示,「啲人喺嗰兩個位都賭咗好耐,但係投訴極都係好一陣,轉頭又賭過。咁惟有向報紙投訴,希望可以畀到多啲壓力,情況會有改善啦!」
記者曾到乙明邨了解情況,見乙明邨對出大涌橋路城門河公園內,有十多二十名長者聚集玩牌,並有人在附近把風。
此外,邨內明耀樓對出休憩公園內,亦有二十多名長者聚於數張石枱玩牌九或啤牌,利用石枱附近植物作遮擋,亦有人在附近把風,陌生人行近即警覺。