韓國女團少女時代（少時）噚日喺韓國拍攝內地綜藝節目《最強天團》。事後，內地主持彭宇喺微博公開少時嘅靚相，大讚少時好可愛，仲話有代粉絲向佢哋轉告中國嘅「夏兩荷」一直等緊少時。

「夏兩荷」呢個咁內地嘅用語少時就梗係唔識啦，主持人要解釋好耐，不過佢哋可能聽完都唔明。

彭宇仲話少時鍾意食冰糖葫蘆，所以教咗佢哋唱中文歌「都說冰糖葫蘆甜」。彭宇仲特別喺微博寫咗句韓文俾秀英：「오늘은수고하셨습니다.북경오면삥탕후루로초대하겠습니다（今天辛苦了，如果來北京的話，我一定會請食冰糖葫蘆。）而秀英嘅微博都關注咗彭宇。

今朝，隊長泰妍喺Instagram公開最新自拍照，大哂迪士尼動畫《冰雪奇緣》嘅帽。不過遮哂樣，想睇泰妍靚樣嘅粉絲就難免有啲失望啦。