那些年打《WinningEleven》或者《FIFA》，你一定有用過迪亞高米列圖同梅度啦！呢兩位前意甲名將掛靴囉，時間過得真係快！

名將退休咁大件事，梗係要玩回帶mode啦。現年36歲嘅迪亞高米列圖，綽號大米，全盛時期效力國際米蘭，09至14年期間，上陣128場射入62球，喺09/10球季助球隊成為意甲、歐聯同意盃三冠王㖭，佢上周六代表阿根廷競賽會對坦柏利後宣佈退役。

至於37歲的梅度近年在羅馬尼亞國內球會效力，全盛期曾效祖雲達斯及車路士等球會。場內係球星，場外係麻煩友，03/04球季踢車仔嗰時食可卡因被停賽7個月，搞到畀球會終止合約。10/11球季效力意甲費倫天拿，因帳單問題打傷一位酒吧職員，被意大利當局判處監禁14個月緩刑執行。