29歲的余德丞去年8月在球場上突然暈倒昏迷，情況一度危殆被送入ICU，經歷46小時生死關頭。今日商台播出，他接受梁泰來主持的節目《1圈圈星光背後》訪問，他表示雖然身體逐漸康復，但未能應付拍劇。此外，他與多位女神傳過緋聞，當中頻頻去探病的蔡思貝，特別投緣。

本身是前香港飛魚的余德丞，2013年加入無綫，拍過不少劇集，如《福爾摩師奶》及近日播出的《鐵探》，正上位的他，卻在去年8月發生意外昏迷入院，他在訪問中說︰「我覺得冥冥中係有主宰，上天有所安排，隨遇而安。」意外前他正拍攝《鐵探》，當時仍有四、五場戲未完成，回想當日意外發生，他表示︰「我完全唔知，亦唔知自己有心律不正。」經歷46小時生死關頭，他說︰「當時一啲感覺都冇，可能昏迷後藥物影響，醒番完全冇印象。」

意外後對他事業是否有打擊？他表示︰「我冇諗過對事業有打擊，對我嚟講執番條命係好緊要，對家人有交待，所以命同事業比，命梗係緊要好多。」現在他對所有事和決定都會想多一點。大病後，他已回復幕前工作，但體力上比以前較易疲累，他說︰「以前好似打不死，現在容易攰，所以劇集方面未適宜去接，因工作時間會較長，劇組唔可以就你一個，短時間未有劇拍，公司安排我做綜藝節目先。」

談到入院昏迷時，有不少人去探望他，他表示完全不知道，「我好似瞓咗覺一樣，之後睇報道先知。」提到與蔡思貝關係特別好，他說︰「傾得埋，上年拍旅遊節目去緬甸，14日嘅相處先開始認識大家。夾唔夾？有啲好夾，大家都好直率，互相提點大家；唔夾呀？畀時間我諗諗先。」至於他先後與江嘉敏、陳瀅等女神傳緋聞，故有「女神收割機」稱號，他笑言︰「唔係男就係女，咁啱有合作機會，唔知點解會傳得到。」

《MCU寶石時軸全記錄》
1套6冊解構Marvel電影宇宙
入場睇Endgame前必讀天書！
https://hk.adai.ly/IFk7iee55V
-----------------------------
【記住63836568】全民爆相爆片！下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI