陳展鵬、黃翠如同李司棋等今日在喺鑽石山宣傳劇集《心路GPS》，今日生日嘅張美妮獲贈蛋糕預祝生日。李司棋大讚黃翠如係好女仔，有意撮合佢同陳展鵬，陳展鵬表示：「佢哋好心地，因為開工悶，有伴就傾吓偈。」被問到有冇發展機會？佢話：「工作為主。」

黃翠如最初被網民批評，但之後就被捧為BB同女神，黃翠如坦言唔敢上網看評語：「自知唔夠靚、後生，身材唔好，劇集出咗反應好，好感動。」同劇飾演超級港女嘅劉蔚萱被網友鬧爆，原定今日有份宣傳，但因記錯日子而缺席，監製李艷芳表示劉蔚萱嘅角色黑人憎只係角色安排。