陳志雲呢排官司纏身，但今日仲好有心，同失明人士莊陳有去到馬料水，為下個月舉行o既慈善單車馬拉松練習踩雙人單車。

陳志雲被問官司有冇影響心情？佢話呢o的o吾方便評論，叫記者多多包容。講到有報道話無綫o黎緊o吾再同森美、小儀合作，因為o吾滿意商台之前炒o左吳綺莉，所以搵森美小儀祭旗，陳志雲即刻話：「冇o甘既事，無綫係大台唔會o甘做。」

佢仲話之前商台o既甘菁菁同樂小姐（樂易玲）先傾緊森美小儀合約。另外，有傳林海峰下個收大信封，陳志雲亦話梗係冇o甘既事，仲話佢同林海峰不知幾合拍，大家都鍾意抹檯。