喺面罩後面，其實隱藏咗唔少美麗嘅臉孔。25歲嘅夏蘭（OlhaKharlan）係烏克蘭劍擊手，項目係佩劍，即係三種劍之中打得最激嗰隻！夏蘭佢14歲就入咗國家隊，獲獎無數㗎！其中喺歐錦賽已經攞過七面金牌，世錦賽都有四面。喺2008嘅北京奧運，佢都喺團體賽幫烏克蘭贏咗塊金牌㗎。2009年仲贏到烏克蘭年度體壇英雄獎。

除咗打劍之外，夏蘭仲有從政。佢曾經係烏克蘭地區黨嘅成員，亦都效力過綠黨。不過，佢從政就冇打劍咁叻喇，次次參選都唔成功。

體蘋果facebook專頁↓↓↓
http://fb.com/appledailysports