今期第八場三班泥地一哩，由於泥地此程較利追，宜秤先竄勁夠強之馬匹，化妝品連鎖品卓悅老闆葉俊亨名下之「齊喝采」便是其中之一。此駒今季六戰泥地賽，當中五次造出全場最快末段，取得兩勝兩位一第五，八歲馬喜逢第二春。上仗增程角逐泥地1800米一段都冇，表現當然令人失望，不過賽後黎海榮解釋該駒「賽前不尋常地鬆懈」及「全程不願積極競賽」，落敗就當是偶然事件，既然隻馬今季多次跑泥地衝得勁，今仗又有一檔好位，早段可輕易找遮擋留力，交回23秒以內之竄勁，有權再擔演巨人殺手角色。