買居屋都發達，大角嘴海富苑冇房單位呎價近萬五蚊，隔離街坊聽見都嘩嘩聲。住喺隔離的宋伯伯(圖)啱啱返屋企撞見記者，畀記者問到隔離屋好貴賣咗，會否帶挈他發達，趁有價賣樓。佢好激動咁話，「發達踎街咩，你俾兩萬蚊我都唔會賣呀，賣咗瞓街呀，係咪！自住嘛，升值得個數字有鬼用。」

記者又問他覺不覺現在樓市很癲，他說「梗係癲啦，癲到不得了呀」。他又指，其女兒早幾年以200萬購入同區港灣豪庭單位，揸無耐280萬賣咗，賺咗幾十萬，但之後樓市升到嘭嘭聲，而家仲未買得返，好後悔。