由四位日本少女組成嘅人氣樂隊Silent Siren，近日再度來港為兩場九展騷作準備。Silent Siren成員吉田菫、梅村妃奈子、山內Aina及黑坂優香子由model成為樂隊成員，今晚起假九展Music Zone舉行一連兩場嘅演唱會「5th ANNIVERSARY SILENT SIREN LIVE TOUR『新世界』」。

Silent Siren噚日抵港獲本地fans到機場接機，此行四人都有抽時間四出觀光，並殺入油尖旺一帶，於佐敦及廟街留倩影。此行四人都有接受本地傳媒訪問，更獲得新加盟嘅環球唱片公司送上印有每人大名嘅手機外殼，四位成員收到後即拍照留念。