強叔因為血管閉塞,五年前切除右腳,惟病情沒有好轉,最終保不住左腳,強叔一年多前再度進行截肢手術,雙腳現安裝了義肢,他出入要靠柺杖。
「𠵱家開始連對手都無乜力,拎柺杖都好辛苦,可能遲啲要坐輪椅。」強叔歎道。
單身的強叔,患病前在酒樓工作,現失去工作能力,靠綜援生活。
強叔原居於沙田區一舊型屋邨,由於該區的傷殘設施不足,加上為分租單位,故房屋署恩恤他同區調遷。強叔是傷殘人士,獲社會福利署發放搬遷津貼,惟資助額不敷實際支出。
強叔表示︰「𠵱家新型屋邨無鐵閘,要住戶自己畀錢安裝,但社署話冇得報銷,乜都叫我自己諗掂,老實講,裝道鐵閘都要千幾蚊,我邊有錢呀!」