連續11年共摘下13顆米芝蓮星的中菜廳夜上海，原址在尖沙嘴馬可勃羅香港酒店，一直深受名人食客捧場，這間星級上海菜館，最近搬到K11 Musea。新店設有兩層，上層還加設半室內半露天酒吧，除提供傳統上海菜式，還將會供應下午茶，食客可一邊欣賞維港景色，一邊打卡歎美食。

「我們多年連續獲星，大廚施萬歲師傅跟到新店主理，有信心再獲米芝蓮，希望可更上一層樓。」餐廳經理Bond表示，新店班底大致依舊。菜式新舊並重，除加入時令食材及菜式，亦按健康潮流，減少鹽油份量。招牌八寶辣醬年糕($220)用上蝦仁、海參、豬肉、雞肉、蝦乾、冬菇、竹筍和馬蹄炒年糕，甜辣適中不膩，爽脆軟韌並重，口感豐富。清炒河蝦仁($188)以鮮河蝦炒甜豆，沒有濃重調味，品嚐蝦的原味鮮爽。紅燒原條牛肋條($340)用安格斯牛肋排，配秘製紅燒汁，肉嫰多汁入味。點心推介蟹粉鮮肉包($120)，包入大閘蟹肉、蟹黃和豬肉，啖啖蟹香鮮味。素菜可選牛油果素鴨卷($80)和香葱雞髀菇($65)，輕盈開胃。

採訪、攝影：《飲食男女》

夜上海
地址：尖沙嘴K11 Musea 7樓702號舖
營業時間：星期一至日11:30am-3pm、6pm-11pm
電話：2376 3322
詳情： https://bit.ly/2NogXn5

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新

-----------------------------
工作辛勞想食餐好？《飲食男女》每日為大家示範 三餸一湯 ，為你的住家飯帶來一點不平凡！