喺今屆奧斯卡頒獎禮中，除咗一眾紅星之外，仲有好多唔係人嘅嘉賓，有《迷你兵團》（Minions）啲迷你兵同埋《反斗奇兵》（ToyStory）嘅胡迪同埋巴斯光年，仲有《星球大戰》（StarWars）系列嘅三隻機械人BB8、R2-D2同埋C-3PO上台㖭。佢哋啲人氣同班紅星冇乜分別，連《抖室》（Room）個童星雅各川伯尼（JacobTremblay）見到幾個機械人都勁興奮。

雅各川伯尼坐喺位度見到三隻機械人出場，因為佢唔夠高睇，立即彈起身睇，睇到好開心，而且騷後佢仲去咗同三隻機械人合照，張相仲影得好靚仔㖭。而雅各川伯尼亦有做頒獎嘉賓，但佢發言時因為唔夠高，要用木箱墊高自己，同佢一齊做頒獎嘉賓嘅15歲黑人男星AbrahamAttah就用個薄木箱，都幾搞笑。