我松松除咗鍾意食契爺楊貫一整嘅鮑魚之外，亦都好鍾意去燒嘢食，尤其是係燒雞翼，我自細已經鍾意食。不過，雞翼嘅食法有好多種，自從嗰次我食過契爺整嗰味「招牌蒜茸炆雞翼」之後，我就深深俾佢吸引，所以特別向大家推介。
用上湯最惹味
講小小秘密畀大家知吖，契爺整嘢食咁好味嘅其中一個原因，就係佢對配料一絲不茍，例如佢每次用嗰啲上湯，一定係真材實料，用老雞同金華火腿去煲。而今日介紹嘅呢味雞翼，就係要用上湯去調味先至惹味㗎；計我話「招牌蒜茸炆雞翼，一家大細都啱食」！
（五之二）
更正：
昨日本欄的鮑魚汁製法有誤，正確做法是將老雞加瘦肉煲兩小時，跟住落金華火腿，迫其鮮味至合適味道，然後才取半碗雞湯，用來埋芡。