本港代理TowervisionGroup高級銷售經理Louis話,家巿面有售嘅耳筒一般用聚氯乙烯(PVC)塑料,而c-JAYS同v-JAYS改用一種有第三代橡膠之稱嘅TPE(Thermoplasticelastome)熱塑性彈性體物料,生產過程中較傳統PVC節能40%,又可循環再用,焚燒過程仲唔會釋出二噁英有毒物質。
Louis仲話,兩款耳筒攞埋歐盟嘅RoHS認證,即係話耳筒生產過程中冇用鉛、水銀等六種有害化學物,「包裝盒標明RoHS,冇乜耳筒公司有。」當中最新款嘅v-JAYS又用咗好多新技術,直徑40毫米驅動單元用咗Myar聚酯薄膜揚聲器,優點夠輕之餘,防水耐磨,係耐高低溫抗撕裂,耳筒重量59克。
小藍即刻搵咗隨身聽發燒友逸宇主任試吓v-JAYS音色,佢攞咗部幾千銀私伙MP3機,試聽古巨基首《眼睛不能沒有淚》,然後話:「分析力好強,高音同中音好掂,相對低音表現比唔上高、中音,但係以$499呢個賣價,幾有競爭力。」有興趣可致電25531151查詢。