馮仁昭四圍超：翁靜晶律師服深圳製造
蘋果日報 2002/01/26 00:00
新一期《忽然1周》有報道話翁靜晶慳家，平日着嘅返工衫都係喺羅湖商業城嘅恩培時裝設計度訂做，每套都只需百零二百蚊，連佢買衫張單都登埋出嚟。
執垃圾唔衛生
翁靜晶噚日接受商台DJ查小欣電話訪問時話：「我了解過件事之後，發現張單係我一星期前喺我媽咪屋企執嘢時掉嘅，相信係有人喺我媽咪屋企嘅垃圾桶度摷我每日掉咗啲乜嘢出嚟，佢哋根據我張單然後上深圳搵老闆娘。」
對於記者咁熱衷採訪自己，翁靜晶感到莫名其妙，佢話：「我又唔係新聞人物，有乜嘢價值呢？」翁靜晶重奉勸記者話：「執垃圾係好唔衛生嘅，會影響大家健康，以後都唔會摷到更精采嘅嘢，大家可以慳番啦。」
謝偉俊鬧白姐姐食春藥
逆市做生意真係要識變通，噚日馮仁昭去咗尖沙嘴一個頒獎禮，謝偉俊（阿Paul）間律師行都有份攞獎，表揚佢靠不停減價招徠，離婚、破產全部一千元唔使，都叫逆市突圍。本來得獎開心事，點知白姐姐又係一味掛住搶鏡，一輪嘴咁發表偉論，搞到主角阿Paul都發火話：「你講咁多嘢㗎！你今日係咪食咗春藥呀！」佢兩個即時全場矚目，失禮啦！
翁靜晶噚日接受商台DJ查小欣電話訪問時話：「我了解過件事之後，發現張單係我一星期前喺我媽咪屋企執嘢時掉嘅，相信係有人喺我媽咪屋企嘅垃圾桶度摷我每日掉咗啲乜嘢出嚟，佢哋根據我張單然後上深圳搵老闆娘。」
對於記者咁熱衷採訪自己，翁靜晶感到莫名其妙，佢話：「我又唔係新聞人物，有乜嘢價值呢？」翁靜晶重奉勸記者話：「執垃圾係好唔衛生嘅，會影響大家健康，以後都唔會摷到更精采嘅嘢，大家可以慳番啦。」
逆市做生意真係要識變通，噚日馮仁昭去咗尖沙嘴一個頒獎禮，謝偉俊（阿Paul）間律師行都有份攞獎，表揚佢靠不停減價招徠，離婚、破產全部一千元唔使，都叫逆市突圍。本來得獎開心事，點知白姐姐又係一味掛住搶鏡，一輪嘴咁發表偉論，搞到主角阿Paul都發火話：「你講咁多嘢㗎！你今日係咪食咗春藥呀！」佢兩個即時全場矚目，失禮啦！
呂良偉老婆楊小娟產後好活躍，佢幾乎日日去中環逛街飲茶。小娟噚日又獨自去咗中環，見到路邊乞兒咁可憐，小娟好闊綽咁畀咗一百蚊個乞兒。問小娟趕住去邊，佢話：「我約咗朋友飲茶啫！」
雖然無綫早排宣布取消發放員工本年度花紅，但依然有員工避唔過裁員厄運。馮仁昭收到風，無綫資訊文教科因為cut咗黃金時段節目製作時間，變成人手過剩，所以要向部門四、五個員工派大信封，但無綫今次裁員行動對無綫嚟講，只係小規模啫！
鄧健泓噚日去咗黃埔新城娛樂台，接受《一個靚墟》嘅直播訪問。鄧健泓早前喺無綫《勁歌》頒獎禮上食白果，佢一度公開呻，好似得唔到無綫支持咁，鄧健泓噚日解釋話：「其實我嘅說話唔係嬲無綫，只係怪自己冇用，好彩公司明白，都冇召見我。」
鯊魚丸老闆娘陳細潔日前同男伴去中環蘭桂坊買雪糕，佢前晚又單獨出現蘭桂坊，嗰時啱啱有個印度籍人士幫佢揸住架波子靚車嚟，陳細潔即刻急步上車離開，佢雖然冇停低同記者傾偈，但佢都不斷保持笑容。