當年今日
關於我們

【目中無人】洲際盃交手前爆口水戰 維達爾︰我當C朗唔存在!

蘋果日報 2017/06/27 13:45

葡萄牙智利基斯坦奴朗拿度洲際國家盃維達爾

葡葡牙球星基斯坦奴朗拿度(C朗)喺世界各地都大把球迷,不過無論幾受歡迎都好,總有人會唔鍾意,智利球星維達爾就係其中之一。
兩隊星期三將會喺洲際國家盃4強交手,維達爾接受主辦國俄羅斯記者訪問時就好有信心智利可以擊敗舊年歐洲國家盃冠軍葡萄牙而打入決賽。雖然C朗喺今屆洲際盃暫時入咗兩球同埋有一次助攻,但維達爾依然唔欣賞,呢位拜仁慕尼黑球星話︰「基斯坦奴係個自以為是(smart a**)嘅人,對我嚟講佢並唔存在。我已經同拜仁隊友甘美治講咗我哋會喺決賽見。」
智利喺洲際國家盃B組排喺德國之後以小組次名出線,葡葡牙就以A組首名晉身4強,今場係維達爾同C朗喺拜仁畀皇家馬德里淘汰嘅歐聯8強賽之後首次對壘,至於由德國對墨西哥嘅另一場4強賽將會喺星期四舉行。
empty
維達爾(左)唔放C朗在眼內