「家風氣唔好」
馮仁昭四圍超：張天愛開學校大小通教 - 馮仁昭
蘋果日報 2009/09/23 00:00
張天愛（Flora）經常四圍飛，佢呢期長駐喺北京同上海，因為佢同個博士好朋友Hope合作搞國際學校，而Flora負責「天愛國際藝術培訓」，即係專門教授文化藝術，呢部份包括有芭蕾舞、武術、油畫、才藝科目等，有時Flora仲會親自落場教芭蕾舞，至於武術就由佢老公羅素負責，佢哋真係拍硬檔「夫打婦跳」，而教授武術嘅仲有李連杰嘅師傅吳彬。
跳舞唔單止可以訓練小朋友嘅體能，張天愛話仲可以培養佢哋嘅人格同專業態度。
張天愛同佢個博士老友Hope（左）開學校，希望小朋友可以有多元化嘅發展。
培訓靚女選港姐
噚日Flora喺上海同馮仁昭通電話，佢話：「開學校係我嘅夢想，我係股東之一，羅素家喺度拍戲，佢一向都希望將武術發揚光大。」
Flora家喺上海同北京已經開咗5間國際學校，不過佢喺美國都有間培訓學校，之前仲幫鳳凰衛視主辦嘅中華小姐負責培訓佳麗，Flora話：「家啲風氣唔好，藝術唔只培養人格，仲可以有專業態度同修養，我做唔到演員，所以做好幕後工作，一切由零開始。」Flora唔只辦學，仲做埋經理人，佢旗下有名模陳碧舸，佢最近又簽多一個19歲混血兒靚女Tanya，Flora話佢收旗下嘅藝人嘅條件好嚴謹，一定要學歷高，佢計劃明年會推薦靚女參加港姐，佢做提名人嘅話就更加如虎添翼啦！
Flora家喺上海同北京已經開咗5間國際學校，不過佢喺美國都有間培訓學校，之前仲幫鳳凰衛視主辦嘅中華小姐負責培訓佳麗，Flora話：「家啲風氣唔好，藝術唔只培養人格，仲可以有專業態度同修養，我做唔到演員，所以做好幕後工作，一切由零開始。」Flora唔只辦學，仲做埋經理人，佢旗下有名模陳碧舸，佢最近又簽多一個19歲混血兒靚女Tanya，Flora話佢收旗下嘅藝人嘅條件好嚴謹，一定要學歷高，佢計劃明年會推薦靚女參加港姐，佢做提名人嘅話就更加如虎添翼啦！