【新增內容】

當大家仲講緊今日係咪應該要因為安全理由而停工嘅時候，正式成為梁太只係短短3日嘅卓韻芝，佢老公梁子賢今日同其他打工仔一樣，都要係惡劣嘅環境同情況下返工，而阿芝啱啱就喺ig上post咗一封公開信俾林鄭月娥，信中阿芝以「梁太」自稱，表達內容全以「曲線」來表達對林太今日安排的不滿。信的內容如下：

「林太:
你好，我是梁太，難得大家都是有家室的人，我想告訴你一件事。

今天梁生要上班，跟大伙兒一樣。你大概一視同仁（不好意思書小讀...仁？是這個「仁」嗎？）視自己、丈夫及孩子的安危如輕煙，沒錯，工作比起家庭和生命要緊！我真是太認同你的價值觀了，特意教授他開山爆林、在玻璃碎片上行走、於月台邊緣使用腹肌頂住後面的人群。別擔心，他有驚人的耐性，絕對懂得忍讓，我說如果在月台遇見你，謹記感謝她教導人們互諒互讓的高尚情操哦。至於孩子方面，我暫時未有，但如果有小孩，我一定會讓他們獨留家中，好讓我外出上班。當然不擔心他們跑來跑去，出門前我會用膠紙將他們緊貼在牆上的。

政府的防備颱風工作做得十分足夠（還是市民的防風工作暢有成效？當然是政府）譬如說，政府人員幫助我撲膠紙，又來到我家貼玻璃，真是很足夠啦，所以好想跟你說，真的夠了。

Enough is enough.

梁太上」

至於阿芝婚宴當日，颱風山竹來襲，但場內氣氛依然溫馨，而伯樂俞琤更做主婚人繞住阿芝出場。

阿芝出嫁，身為佢好友嘅Sammi鄭秀文，當然開心兼感動，仲俾阿芝大爆佢一開始就喊。當晚參加完阿芝的婚禮後，Sammi就喺ig寫出自己嘅感受「阿芝出嫁了。除了感動，就是感覺幸福。一個不苟小節的人，剛才說感言時流出的眼涙和顫抖，格外感人。尢其感受到她對母親的懷念和感激。祝福你們」。

除此之外，Sammi且更post咗一條片，片中的Sammi一開始已話：「好開心、好感動，喊死人！」跟住阿芝即刻話：「係呀，我一開始講嘢佢已經喺度喊，我心諗你唔好整喊我啦，佢喊我又好想喊。」跟住Sammi同阿芝呢對好姊妹就嚟個抱抱，場面真係溫馨到爆。

精選娛聞，喺晒《娛果》
http://fb.com/appledailyent