今天是父親節，圈中四位星級爸爸包括鍾鎮濤（阿B）、石修、王敏德和詹瑞文亦興高采烈地與子女共度佳節。四位爸爸各自收到窩心禮物，阿B的囝囝自製父親有份演出的《頭文字D》貼紙；詹瑞文則與囡囡在遊樂場共度溫馨時光；王敏德的囡囡曼喜更帶爹哋揀選合心水的父親節禮物，其間更送上香吻，𠱁得王敏德樂不可支；至於石修則與石仔一起到band房夾band，囝囝更外賣父親最愛的齋啡。四位爸爸於父親節各自各精采，但其實在他們心目中，只要子女健健康康、快快樂樂地成長，已是他們最好的父親節禮物！

型爸爸炮製飄移結他

鍾鎮濤的大仔鍾嘉浚（BonBon）日前返港跟阿B預祝父親節，BonBon與妹妹鍾嘉湄（Tinka）以往總會繪畫心意卡送給爸爸，今年他們則自製《頭文字D》貼紙，裝飾阿B的結他，阿B說：「攞住支結他感覺好型，我嗰日返錄音室，個仔竟然話陪我去，可能諗住父親節𠱁我開心啩。」
而阿B兩位女兒亦各有貢獻，大B女Tinka包餃子給父親吃，阿B說：「個大女開始有啲少女味，識貪靚同煮嘢食，細女重係BB，但都會食食吓奶嘴，隊過嚟畀我食諗住益吓我，我梗係心領啦。」
阿B謂父親節最大心願是多點時間陪子女，尤其大仔出國讀書，彼此少機會見面，但他表示只要兒女開心成長，他便心滿意足。
採訪：蔡如玉、比華利、馮美茵
攝影：陳偉權、陳慧安