告東尼馬房的「巴基之星」在精英碟玩「罷跑」，起步已明顯一慢，之後脫離馬群，跑了約200米左右完全停下來企定定，其後鞍上人雷神莫雷拉向「巴基之星」打鞭數，牠慢慢才重新展步，有跑過終點，且過終點時步伐不算慢，但其時前四名馬早已衝線。

究竟圈中人點睇「巴基之星」罷跑事件呢？

現任練馬師賀賢：「『巴基之星』係上年本港拍賣會馬匹，拍賣前會在沙田草地跑道1800米起步點試跑（今仗精英碟正是角逐1800米），讓準買家睇辦，我清楚記得『巴基之星』當日試跑時，在同一地點不願展步，估唔到牠今次故態復萌。」

退休練馬師簡炳墀：「『巴基之星』在我眼中不是絕世好馬，因為一匹好馬是不用任何配件幫助，便可跑出應有水準；但『巴基之星』在港第一次出賽已要戴眼罩，又要綁脷，給我感覺有點古靈精怪，演出又唔穩定，只是馬迷過份熱情，令到此匹馬賠率過晒火。」