方中信簽約英皇後密密接Job,今日佢喺上海趕返港,出席產品代言活動,期間方中信突然有感而發話:「啱啱喺上海拍完戲同做完兩個活動,聽日又飛去西安做活動,簽咗英皇後,就係咁搖呀搖冇停過。」呢啲先叫多勞多得,要做搖錢樹都要有能力先做到嘛,証明方中信大有巿場。
工作咁辛苦,方中信已向公司請兩個月假陪家人,但都要為咗工作損失家庭樂,佢話:「本來想去台灣一個生態公園,但因為我28號有嘢做,所以佢哋同朋友去,我自己留港過除夕。」
方中信向來都係愛車之一,速度感同快感對佢而言係不可缺乏,但近年有感年近半百,甘願為家庭放棄多年來購入嘅跑車,仲好語重心長話:「我最近先賣咗架保時捷,轉揸七人車,啲人見到我揸七人車都覺得好驚訝!」原來以前買落跑車已全數出售,只剩兩架電單車。
本報娛樂版舉辦的「萬千星虧頒獎禮」已經來到第五屆,今屆口號為「全民起義,網民話事」,換言之由網民一人一票選出心目中最虧代表,包括男主角、女主角、最虧節目及最虧場面。讀者可由即日起至本月14日、晚上11時59分之前,到以下網址( http://campaign.appledaily.com/tvawards2013 )投票。投票結果於本月16日在本報娛樂版及網上公佈。