23:57更新
【熱刺0:0阿仙奴】
又有黃金機會！孫興民左路起右腳燙射省中人後彈橫，基斯甸艾歷臣眼看射空門，可惜就得較辛苦下射中楣！

23:53更新
【熱刺0:0阿仙奴】
熱刺黃金機會出現！迪利阿里接應右路傳中壓贏張伯倫，但頭槌僅僅斜出！

23:30更新
【熱刺VS阿仙奴‧開波！】

22:58更新
【米杜士堡2:2曼城‧完場！】

22:57更新
【愛華頓0:3車路士‧完場！】

22:51更新
【愛華頓0:3車路士】
車仔衝冠又過一關！兩位後備兵交到功課，法比加斯左路傳地波，韋利安無人看管下輕鬆射成3:0。

22:48更新
【米杜士堡2:2曼城】
又係「耶穌仔」救世！加比爾捷西斯傷癒後首次擔正，就接應阿古路傳送頂入，曼城再度追和2:2！

22:42更新
【愛華頓0:2車路士】
車仔三分在望！夏薩特左路罰球半傳半射，愛華頓門將史基倫堡將個波拍出不遠竟然彈落加利卡希爾隻腳度入網，車仔贏夠兩粒！

22:41更新
【米杜士堡2:1曼城】
米堡二度領先！曼城禁區內遲遲未能解圍，尼格度起腳雖然撻Q，變相造就伏兵門前嘅哥林張伯斯射成2:1！

22:34更新
【北倫敦打吡有陣！】
熱刺正選陣容
門將：洛里斯
後衛：捷比亞、艾德韋列特、維頓漢、賓戴維斯
中場：艾歷迪亞、雲耶馬、孫興民、基斯甸艾歷臣、迪利阿里
前鋒：哈利卡尼

阿仙奴正選陣容
門將：施治
後衛：加比爾包列斯達、高斯尼、蒙利爾
中場：阿歷士張伯倫、艾朗藍斯、格列沙加、基蘭基比斯
前鋒：奧斯爾、基奧特、阿歷斯山齊士

22:32更新
【米杜士堡1:1曼城】
又有疑似插水12碼！曼城後備入替嘅利萊辛尼禁區內俾迪魯恩出腳後放軟身體跌低，球證照畀12碼，兩位球員仲因為爭拗各食黃牌……點都好，阿古路操刀射入幫曼城扳平。

22:30更新
【愛華頓0:1車路士】
話口未完，車仔有柏度洛迪古斯禁區外扣過對手，左腳燙射世界波開紀錄！

22:28更新
【愛華頓0:0車路士】
雙方戰情繼續膠着，但干地仲未作出換人調動。

22:13更新
【米杜士堡1:0曼城】
哥迪奧拿玩出禍？下半場開波5分鐘即刻連換利萊辛尼同史達寧入替基捷基治同阿歷斯加西亞……

21:54更新
【愛華頓0:0車路士】
另邊廂愛華頓面對車路士毫無懼色，但射門質素稍差下暫時互交白卷完半場。

21:50更新
【米杜士堡1:0曼城】
米堡領先！佢哋由達寧左路快放策動反擊，輾轉經由佐治費恩特傳畀尼格度，呢位西班牙射手起腳擦柱入，韋利卡巴尼路冇得救！

21:44更新
【米杜士堡0:0曼城】
雙方都有黃金機會，但米堡嘅迪魯恩同曼城前鋒加比爾捷西斯嘅攻門分別僅僅高出同斜出。

21:24更新
【米杜士堡0:0曼城】
曼城嗰邊廂派晒阿古路同加比爾捷西斯攻堅，開賽初段幾乎合作得手……米堡亦有尼格度近門起腳柱邊出界！

21:17更新
【愛華頓0:0車路士】
車仔開賽初段已經有威脅埋門，但夏薩特扭過史基倫堡後位置太窄，僅射中網側。

21:08更新
【愛華頓VS車路士/米杜士堡VS曼城……開波！】

20:58更新
【曼聯1:1史雲斯‧完場】
曼聯俾史雲斯逼和痛失兩分之餘，仲要少咗拜利同梳爾，嚟緊條防線可以點排呢？摩佬認真頭痕！

20:52更新
【曼聯1:1史雲斯】
曼聯幾乎輸埋！施古臣開罰球入禁區，洛蘭迪無人看管下可惜射得唔應，結果俾迪基亞輕易沒收。

20:39更新
【曼聯1:1史雲斯】
真係施古臣！史雲斯離門20碼博到罰球，靴里拉本來企柱幫手，點知施古臣臨起腳前走番出嚟，結果呢位冰島中場真係射嗰個位，為史雲斯追和！

20:20更新
【曼聯1:0史雲斯】
曼聯傷兵問題可以有幾嚴重？連中堅艾歷拜利都因傷退下火線，要由達美安入替同戴利白蘭特合組中堅……

20:13更新
【車仔出齊常規正選11人，為聯賽冠軍誓要擊敗愛華頓！】
愛華頓正選陣容：
門將：史基倫堡
後衛：賀基迪、艾殊利威廉斯、菲臘積基爾卡、巴尼斯
中場：伊祖沙古爾、湯姆戴維斯、巴克里
前鋒：卡維特利雲、盧卡古、安拿華倫西亞

車路士正選陣容：
門將：泰拔高圖爾斯
後衛：艾斯派古達、大衛雷斯、加利卡希爾
中場：域陀摩西斯、尼高路簡迪、尼曼查馬迪、馬高斯阿朗素
前鋒：柏度洛迪古斯、迪亞高哥斯達、夏薩特

20:10更新
【曼城出盡阿古路同耶穌仔雙箭頭，連同中場小將阿歷斯加西亞，9點05分強攻米堡！】
米杜士堡正選陣容：
門將：巴特古辛
後衛：佐治費恩特、賓吉遜、哥林張伯斯、法比奧達施華
中場：達寧、迪魯恩、科梳、阿當基頓、史度安尼
前鋒：尼格度

曼城正選陣容
門將：韋利卡巴尼路
後衛：奧達文迪、高柏尼、高拉洛夫
中場：捷西斯拿華斯、阿歷斯加西亞、奇雲迪布尼、費蘭甸奴、基捷基治
前鋒：阿古路、加比爾捷西斯

20:06更新
【曼聯1:0史雲斯‧下半場開波】

19:50更新
【曼聯1:0史雲斯】
曼聯完半場前，拉舒福特接應連格直線壓入禁區，球證指門將法比安斯基出迎將佢撲跌而直指12碼，但慢鏡所見後者似乎已經「縮手」……12碼由朗尼操刀入網，曼聯領先1:0！

19:45更新
【曼聯0:0史雲斯】
上半場就快結束，曼聯有連格因為一記粗野攔截被罰黃牌。

19:33更新
【曼聯0:0史雲斯】
另外，曼聯左閘勞基梳爾早於9分鐘退下火線，由路爾斯華倫西亞入替。

19:31更新
【曼聯0:0史雲斯】
曼聯站穩陣腳後開始搶回主動，但馬迪爾射門太正被法比安斯基接實。

19:15更新
【曼聯0:0史雲斯】
史雲斯繼續有威脅，洛蘭迪一扣一射俾迪基亞單手撲出！

19:13更新
【曼聯0:0史雲斯】
史雲斯開賽不落下風，施古臣禁區內起腳未能命中目標。

19:00更新
曼聯vs史雲斯開波！

18:54更新
朗尼上個禮拜搞啲咁嘅嘢，今晚仲踢唔踢到好波？（ http://bit.ly/2oLSHBo ）

18:47更新
曼聯球員賽前穿上#allredallequal的T-shirt出場熱身，宣揚平等及共融訊息。

18:35更新
曼聯想贏波，記得嚴防史雲斯嘅冰島中場施古臣！因為佢過去5次喺英超對曼聯，總共交出兩入球、3助攻！（@OptaJoe）

18:34更新
吾中：紅魔傷停多 4後衛穩中求勝（ http://bit.ly/2oXqG5S ）

18：05更新
【曼聯VS史雲斯有陣！】
曼聯正選陣容
門將：迪基亞
後衛：艾舒利楊格、艾歷拜利、戴利白蘭特、勞基梳爾
中場：卡域克、安達靴里拉、連格
前鋒：朗尼、拉舒福特、安東尼馬迪爾

史雲斯正選陣容
門將：法比安斯基
後衛：基爾洛頓、艾菲莫臣、費達歷高費南迪斯、史堤芬京士利
中場：里安比頓、奇誠庸、基菲爾施古臣、湯卡路爾
前鋒：佐敦阿休、洛蘭迪

英超今日上演4場秩序，場場激戰兼關乎爭標同前4形勢！周中啱啱對碰完嘅曼市雙雄呢日分途出擊，曼聯首先喺今晚7點迎戰史雲斯，但佢哋今晚冇埋停賽嘅費蘭尼同受傷嘅科素文沙，下周中歐霸4強又要對切爾達，夠唔夠矢志護級嘅史雲斯砌？曼城喺9點05分就要作客米杜士堡，對手一樣要拼護級，唔係攞硬三分架。

同時間9點05分開波嘅就有愛華頓對車路士。主隊射手盧卡古今季已經射入24球領先射手榜，盛傳佢今夏有機會重投車仔喎，今晚固然要爭取入波騷quali，但咁樣咪阻住車仔衝冠？目前落後車仔4分嘅熱刺，尾場11點半就會同阿仙奴合演北倫敦打吡，雖然槍手近排啟動「爭4」mode，但熱刺挾8連勝強勢喺白鹿徑出擊怕你麼？