由孔劉、金高恩、李棟旭同劉仁娜主演嘅《鬼怪》將於聽日播第11集，劇組噚日公開預告，上一集講到李棟旭話咗畀孔劉知劉仁娜就係佢妹妹嘅轉世，孔劉同李棟旭即去咗搵劉仁娜，孔劉仲叫咗妹妹個名「善」出來。鏡頭去返古代，皇帝金旻載要皇后金所炫喺自己同孔劉之間抉擇，一係做皇嘅女人而活，一係做逆賊罪人而死。

至於預告中可見三神婆婆攬住金高恩講：「辛苦了」，唔知係唔係要金高恩拔劍？而此時地獄使者李棟旭收到生死薄，金高恩個名再次喺上面，孔劉決定向金高恩坦白，講出兩個人之間必有一死，金高恩唔拔劍就會有性命危險。

另外，劉仁娜亦發現李棟旭就係地獄使者嘅身份，問呢個係唔係就係李棟旭嘅真面目，李棟旭一臉驚恐望住劉仁娜。此外，《鬼怪》第10集結尾揭開李棟旭前世係皇嘅身份，而劇組今日就正式公開李棟旭古裝嘅劇組。