【真實性存疑】鍾鎮濤任聯署發起人 唔知多宗疑似冒簽盲撐惡法
蘋果日報 2020/06/11 16:30
鄺美雲蔣志光鍾鎮濤
攝影：陳俊強、廖達燊
財政司司長陳茂波日前公佈本月中開始向市民回水一萬元的詳情，今日一班「香港再出發」成員，包括發起人之一的鍾鎮濤和鄺美雲，連同中華總商會、中國企業協會、九龍社團聯會、香港一帶一路等商會代表在中環舉行「促消費 撐經濟」活動，呼籲市民獲得一萬蚊後多外出消費。
早前鍾鎮濤和鄺美雲連同譚詠麟和成龍等藝人，聯署支持成立港版國安法，然而，聯署刊登後就鬧出包括蔣志光在內的藝人「被聯署」，蔣志光其後更在facebook澄清自己沒有簽署過任何支持立法的聲明，對此，發起人之一的鍾鎮濤卻表示：「我唔清楚，不過我就係支持國安法嘅，要有穩定嘅社會先得。」對於立法後可能大大影響日後的創作和言論自由，他表示 國安法旨在維護國家安全，對創作沒有影響，並反問：「你想唱啲乜？你想寫啲乜？我自己就完全唔擔心因為，我啲創作全部都係正能量。」
鍾鎮濤還表示自年初疫情開始時，自己所有工作已經完全停頓：「基本上係零收入，呢段時間惟有做多啲創作，為日後嘅工作做準備。」又表示獲得一萬元後會回饋業界：「我哋成日都會book場地同樂手夾Band自己玩，係希望可以幫到佢哋多啲工作同收入。」問到會否考慮做網上演出，他說：「一步一步嚟，其實都好多人做緊。」又表示希望政府的限聚令可以早日解除：「咁就代表疫情退卻，我哋到時可以繼續演出畀觀眾睇。」至於鄺美雲就表示會將錢繼續用作購買防疫用品，包括口罩和搓手液，她透露至今已花了四、五十萬用作買防疫物品幫助有需要人士：「有好多基層同單親家庭都好需要，即使有一萬蚊對佢哋嚟講都係唔足夠。」
採訪：曹家誠
「香港再出發」成員在中環開記招。
鍾鎮濤（左）與鄺美雲（右）呼籲市民獲得一萬元後多外出消費。
鍾鎮濤不清楚蔣志光被聯署支持港版國安法一事。
鄺美雲表示會將一萬元用作購買防疫用品。