角逐今晚（20日）快活谷第八場二班1200米的「發盈喜」，雖然今季未贏過，但曾在二級及三級賽跑第五，面對「紅衣醒神」亦輸得不遠，對比起今次快活谷這批對手，可謂差天共地。

重口馬「發盈喜」今次由潘明輝換上炒飯哥羅理雅，級數亦高於對手，機會備受睇好，不過練馬師蘇偉賢卻有點擔心。

他說：「其實『發盈喜』今次負重磅（132磅）都幾難跑，要讓主要對手『財高八斗』足足19磅。不過『發盈喜』今次降班確實有利，上場泥地1200米潘明輝已跑得好好，做了本份，只是此馬比較難騎，難以發揮，所以今次換上羅理雅，論馬狀態仍然保持得極好，排2檔亦理想，如果克服到重磅障礙，當然有望交出頭馬。」