曼聯在不被看好情況下，最終現實地不敵拜仁慕尼黑出局，今季四大皆空。不過，紅魔在次回合賽事中，曾經憑艾拉的入球，領先70多秒，而兩回合整體發揮都一度領拜仁陷於苦戰，若非後防低級失誤，相信有機會與拜仁周旋。有網民認為，現在的紅魔與季初時有明顯進步，但亦有指大前題還是炒掉莫耶斯先！

@兩回合比賽已經比預期中好得多，至少次回合叫做領先過兩分鐘。戰術上部署都非常不錯。最挑剔既或者係朗尼，香村仔，韋碧克，華倫等等都踢得好好。每一下真係用條命撞番黎。無奈球場係英雄地，拜仁實力上始終太強，下半場體力上都散散地，見到曼聯球員仲有拚勤去博奇蹟。雖然輸咗，但精神都值得鼓勵。
下年好大機會要重組，希望曼聯都可以盡快上番軌道。（kelvin627）

@肥仔傷左都冇計，係椰子調動問題。今場卡加華真係抵讚，希望下季唔好走！（二拉神）

@今仗都算有拼勁！但唔夠多仔咁有雖敗猶榮的感覺囉！（arrrr4）

@老問題，條後防同防中要換。第三球輸得好醜。（mark00）

@堂堂20冠對拜仁打到成隻龜仲好意思講值得換來一片掌聲（台灣多神手）

@如果曼聯值得掌聲，咁多仔直頭要五體投地跪拜囉（andrew1106）