當年今日
關於我們

中學生西灣河擺街站反對改革通識科 警抄網媒記者身份證

蘋果日報 2020/12/30 20:47

通識學生組織

雖然政權頻頻打壓異見人士,學生組織賢學思政更指被國安處人員警告,或干犯《國安法》,但仍無減年輕一代發聲的決心。學生組織「中學時政」無懼嚴寒,在西灣河擺街站反對改革通識科等教育改革。活動開始前,有警員在附近巡查,更有網媒記者被抄下身份證號碼。
empty
學生組織「中學時政」無懼嚴寒,在西灣河擺街站反對改革通識科等教育改革。本報記者攝
empty
本報記者攝

中六生斥政府:唔應該搵教育嚟較飛

就讀中六的Esther,為通識科的改革感到可惜,直指通識科着重的是學生思考方式的訓練,根本沒有對錯。他認為教改背後的目的為洗腦,並控制年輕人的思想,更直斥「發生咩都唔應該搵教育嚟較飛」。對於下一代無法如她一樣體驗通識教育的可貴,她直言可惜,「我屋企都有細佬嗰啲啦,我覺得佢哋好可惜囉,可能要靠我哋自己去教佢,可能要睇多啲外國新聞,(視野)唔可以咁狹窄」。
被問及是否擔憂赤化教育將蔓延至大學及其他教育,Esther無奈指「呢個無可避免㗎喇」,「佢(政府)一定會伸隻手過嚟㗎喇,起碼我好慶幸自己之前可以有讀過通識,而我老師都好好,其實佢(政府)畀啲咩資訊我都冇關係,我本身都係已經學咗咩係理性(批判),點樣去諗嘢,唔會俾呢啲嘢左右到,反而係細個嗰啲比較慘」,直指自己相對下一代已相當幸運。
empty
對於下一代無法如她一樣體驗通識教育的可貴,Esther直言可惜。本報記者攝
早已步入職場並移民外地的袁先生,為香港教育赤化感到傷心。他指家人對香港教育早已失去信心,「一早預咗咁(赤化),(送我去外國讀書)唔係純粹去外國見識吓(咁簡單)」。他又指,自己未來亦會送孩子到外國讀書,「(香港)《國安法》又盛咁,個教育一定⋯⋯你明㗎啦,我係美國嗰邊嘅,美國你知自由啲,我諗佢(小朋友)喺嗰邊嘅將來會好啲囉」。
empty
袁先生指家人對香港教育早已失去信心,自己未來亦會送孩子到外國讀書。本報記者攝
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁