組合3Think今日喺銅鑼灣舉行小型音樂會，同門師姐糖妹同王若琪（Takki），都有去到擔任演出嘉賓支持。

糖妹話以前公司得糖兄同佢做拍檔，比較悶場，0依家做咗師姐，無論音樂同歌曲創作上，都可以一班人討論，有更多嘅合作，糖妹話：「最近自己微博嘅fans數量不斷增長，上升到14萬，好似睇住股票係咁升好興奮。」糖妹話做完嘢就會趕返屋企親自下廚，為媽媽準備母親節晚飯。

Takki為咗專輯，忙住收集唔同人物表情，早排就專程去到九龍城拍攝，Takki話:「九龍城有一個賣飛機欖嘅伯伯，佢已經離開咗，0依家佢太太承繼咗，佢畀我影一個微笑嘅表情，生命完結仍然有一份愛。」