由周元、吳漣序、李正信等主演嘅韓劇《我的野蠻女友》已於上月29號首播，今晚將播出第13及14集，劇集自上個月開播以來收視都不斷上升，之前一直不敵同檔、由金智媛及朴敍俊主演嘅《三流之路》，不過上周一集就終於鍊贏《三流之路》，第12集收視更創新高，更突破雙位數，以10.5%收視首次奪得月火劇(逢周一及周二播出)嘅冠軍寶座。

由於周元上月入伍，所以唔多唔少都對收視有所影響，不過隨住劇集越來越豐富，亦令到收視節節上升，劇組今日就咗兩位主角周元同吳漣序嘅花絮片，只見兩人抱住小狗在對戲，兩人互動好鬼甜蜜，網民都笑言周元個正印女友BoA睇到都會呷乾醋。

至於上月16號以現役兵身份入伍嘅周元，早前喺江原道鐵原郡進行新兵訓練，並進行為期6周嘅基礎訓練，而日前周元着住軍服同軍中隊友嘅合照亦都曝光。雖然周元打算低調入伍，但當佢見到有粉絲送行時，亦親民地逐一同粉絲握手打招呼。

另外，《我的野蠻女友》喺黃色個Viu亦都有得睇，劇集於香港時間晚上9時至10時播出，香港則於晚上10時同步緊貼播出，啱晒鍾意睇繁體字幕追劇嘅觀眾。