NBA球隊小馬失落季後賽，不過17/18球季暫時薪酬都只唔過6千萬美元，有成5千幾萬薪酬空間，「德國槍」奴域斯基（Dirk Nowitzki）仲放風話願望放棄2500萬美元年薪合約，重新續張平約等球隊有更多子彈簽人，球隊亦都準備轉會市場出手。

小馬今夏首先就目標續簽中鋒路維（Nerlens Noel），佢上季由76人加盟表現都唔錯；增強控衞目標就指向木狼嘅西班牙金童盧比奧（Ricky Rubio），事關木狼希望簽入紐約人後衞戴歷路斯（Derrick Rose），所以想留住盧比奧，如果交易條件合適都會放人。以盧比奧只不過26歲，平均貢獻11.1分9.1次助攻，年薪只不過1400萬美元，以今時今日都係平靚正。