韓國人夫池城近日憑演出劇集《愛上哪個我》嘅七重人格角色而人氣大增,仲為成女觀眾們嘅新男神。
《愛上哪個我》仲有四集就會播完,池城近日都加緊腳步,進入劇集最後嘅拍攝階段,就連大前日生日當日,池城都冇得放假同老婆李寶英,以及將會出世嘅BB一齊慶祝,要喺工作中度過。
不過,一眾粉絲都好有池城心,喺前日就專誠帶晒蛋糕、禮物等等都到片場同池城補祝生日,池城都好感動,有粉絲仲貼心咁,知道池城就嚟做人爸爸,就特登送咗BB衫、BB鞋作為生日禮物,令池城笑得極開心,仲即時拎起衫仔、鞋仔影相,睇得出佢好期待BB出世。
另外,《愛上哪個我》後日會播出新一集,今日劇組就公開新花絮相,擺明要吊下觀眾條癮。