隔牆有耳：嘲用廟街手袋 大嚿石要賠罪
鼠王芬收兩皮買LV - 李八方
蘋果日報 2014/08/27 00:00
禍從口出，講錯一句話，隨時唔見兩萬蚊。代表地產及建造界嘅石禮謙，五年前因為嘲笑黨友梁美芬嘅手袋係廟街貨色，惹嚟唔少同僚話佢唔應該蝦人，結果大嚿石為向鼠王芬賠罪兼呵番，「賠」咗兩萬蚊畀佢買手袋；無端中招俾人笑到面黃嘅鼠王芬，受之無愧，果然用呢兩萬蚊，買咗個LV手袋彌補心靈損失。
犯女人大忌
最近北京有個女仔不滿收到男友A貨手袋，將手袋怒擲男友。查實鼠王芬五年前都被諷刺用A貨。
話說當年立法會討論施政報告致謝動議，大嚿石當年為咗為高樓價護航，不惜借女議員嘅手袋開玩笑，話公民黨余若薇嘅名牌手袋廿幾萬後，繼而一手攞起坐喺佢身邊嘅鼠王芬手袋，嘲笑佢嘅手袋係廟街、女人街貨色，以手袋喻樓，有平有貴。
當年有傳大嚿石用5萬蚊向鼠王芬賠罪，但後續唔只咁簡單！八方最近聽聞，當年大嚿石事後被黃毓民、何鍾泰兼劉秀成狂抦，批評佢唔應該喺公開場合攞女人嘅手袋開玩笑，話呢樣係女人大忌，齊齊起哄叫大嚿石買手袋賠罪。由弱者變成勝利者嘅鼠王芬，當場講笑叫價5萬，點知阿石真係還價兩萬，結果鼠王芬照殺，揸住兩皮嘢去LV買袋消消氣。
八方求證過鼠王芬，佢話其實好欣賞大嚿石呢種英式幽默，一個笑話就可以化解到危機、轉移視線；自覺受咗屈辱喎，自然樂於接受大嚿石呵番！雖則兩萬蚊對大嚿石或者濕濕碎，但無功不受祿，鼠王芬唔怕俾人話貪心咩？
話說當年立法會討論施政報告致謝動議，大嚿石當年為咗為高樓價護航，不惜借女議員嘅手袋開玩笑，話公民黨余若薇嘅名牌手袋廿幾萬後，繼而一手攞起坐喺佢身邊嘅鼠王芬手袋，嘲笑佢嘅手袋係廟街、女人街貨色，以手袋喻樓，有平有貴。
當年有傳大嚿石用5萬蚊向鼠王芬賠罪，但後續唔只咁簡單！八方最近聽聞，當年大嚿石事後被黃毓民、何鍾泰兼劉秀成狂抦，批評佢唔應該喺公開場合攞女人嘅手袋開玩笑，話呢樣係女人大忌，齊齊起哄叫大嚿石買手袋賠罪。由弱者變成勝利者嘅鼠王芬，當場講笑叫價5萬，點知阿石真係還價兩萬，結果鼠王芬照殺，揸住兩皮嘢去LV買袋消消氣。
八方求證過鼠王芬，佢話其實好欣賞大嚿石呢種英式幽默，一個笑話就可以化解到危機、轉移視線；自覺受咗屈辱喎，自然樂於接受大嚿石呵番！雖則兩萬蚊對大嚿石或者濕濕碎，但無功不受祿，鼠王芬唔怕俾人話貪心咩？
石禮謙喺09年嘲笑梁美芬個袋係廟街貨色。