劉嘉玲今晚喺上海出席詩琳美容旗艦店開幕晚宴,羅霖則以代言人身份出席。
嘉玲話,今日要趕返香港綵排舞台劇《杜老誌》,今次演出佢話有好大壓力,咁咪少咗時間陪老公梁朝偉囉?佢笑話:「佢唔使人陪,大家習慣有自己工作空間,偉仔9月先有新戲開,佢幾幸福呢,我真係同佢背道而馳。」
《杜老誌》20場門票兩個星期內售罄,現鐵定加開6場共26場。
而谷胸到場嘅羅霖自爆有多位追求者:「女性要經濟獨立,識得珍惜同愛錫自己,搵到錢就有自信,我有人追,但唔發展住,等生意穩定啲,幾個都願意等,年尾會喺幾個入面揀一個,揀好咗先畀小朋友睇,佢哋好矜貴,唔會亂見人。」