英超水晶宮經歷四連敗之後，領隊法蘭迪保亞亦喺周一落鑊，慘成最「短命」領隊。而曼聯領隊摩連奴（摩佬）似乎身同感受，話成單野根本唔出奇，仲乘機發炮攻擊舊東家皇家馬德里同車路士。

摩佬周一喺記者會被問到點睇法蘭迪保亞單野，而佢就話：「呢啲事係足球世界入面根本就出奇，我當年雖然攞咗冠軍但最尾咪又俾人炒，而雲尼亞里都係一樣。下一季可能有更加出奇嘅野發生，所以無野可以驚喜到我。」摩連奴到依家似乎都係好大怨氣，仲要重提返佢當年俾皇馬同車仔炒嘅舊事。

摩佬對於被炒相當有經驗，佢喺2011/12賽季雖然幫過皇家馬德里攞西甲冠軍，但喺2013年就被炒。佢之後返英超教車路士，又幫藍戰士喺2014/15賽季攞英超冠軍，但之後又俾人炒，搞到摩佬好大怨氣。