《國安法》來臨，人人頭上架着一把刀，自認曾是政治冷感「廢老」的童裝零售商周小龍，感嘆商人為賺錢「乜核突嘢都哽得落」，今次《國安法》卻難哽到「吞唔落」。條例踩過界，推出時機更有如向零售商索命，建制派商界背景議員偏離常理，反指「《國安法》有助香港長期繁榮穩定」。周小龍怒斥：「我連短期都唔知捱唔捱到，今次認真吞唔落，講明百分之二百唔同意。」

周小龍現經營童裝品牌Chickeeduck，全港有10多間分店，聘有過百名員工。他形容，去年反送中運動是他一代政治冷感「廢老」的政治覺醒，2014年政改時，他仍認為「袋住先」問題不大。在商言商，籌謀如何做到生意，搵夠錢出糧交租更貼身，近乎為搵錢「乜核突嘢都哽得落」。

目前《國安法》詳細內容未明，「淨係講推出嘅時機已經完全錯晒」，周小龍說，過去一年武漢肺炎疫情，加上政府亂推送中條例，以今年初數據計，分店生意額跌至去年同期一成，近月疫情稍為穩定，原本已準備推廣優惠，當局卻推「港版國安法」刺激民憤，「係咪200萬人上街未夠，要400萬人上街？」

在立法會內，無論直選抑或功能組別，明明有商界代表，有生意人，如何離地也不可能無法預計現時立例，對商戶傷害的嚴重程度。惟建制派口徑一致，偏離常理一味附和《國安法》有助香港長期繁榮穩定，最令周小龍感疑惑，「你哋係咪短期內唔使收租、唔使出糧先？係咪要用多兩年時間去完全鎮壓，無晒反對聲音，去實現嗰種長期繁榮穩定？」

「咩嘢本地恐怖主義？係咪要求你履行一國兩制、高度自治都係搞港獨？」周小龍質疑，從未有具代表性的民意調查，指出香港人主流意見要港獨；回歸後最影響香港的境外勢力只有中國，繞過香港立法會強加「港版國安法」在《基本法》附件三，已是活生生證據。在最壞時刻推《國安法》，目標明顯針對立法會選舉，幻想民意逆轉攬炒「35+」，「咁係咪就要犧牲小商家，犧牲香港人？而家推係咪有必要，why now？就算係必須做，係咪可以諗2048年先做？」

記者 鄭啟源

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
《囚牢之疆》 專頁
揭開集中營邪惡面紗
獲2020年人權新聞獎「多媒體（中文）」大獎
-----------------------------
App內1-Click訂閱《蘋果動新聞》
按此了解更多