英國當紅男團OneDirection（1D）今年認真是非多多，五子年初展開巡唱時喺泰國爆出偷食醜聞，成員之一嘅ZaynMalik繼而決定離隊，令原本五位一體嘅1D變成四人組合，話口未完，另一隊員LouisTomlinson上月又驚爆搞大友人個肚，下年將做竇，令粉絲接連大受打擊。

1D形象越來越差，今日宣佈明年3月起暫時解體，趁組合嘅合約期滿，四位成員將會各自有發展計畫，一於分頭搵食，令一直想單飛嘅HarryStyles一嘗所願，但就不排除日後1D會再度合體吸金。