周柏豪孖同居女友歐遊 過農曆新年預演蜜月
蘋果日報 2014/01/28 06:00
柏豪嘅同居女友咁低調，都係時候俾返個名份人哋啦。- 柏豪fb噚日放咗呢張相話:「GoodmorningParis」
- 柏豪女友Stephanie
- 兩個人都不時被影到，唔係接女友放工就係孖住食飯，感情穩定。
- 柏豪今年成績好，仲喺台上發表愛的宣言冧女友。
29歲嘅周柏豪入行6年，喺樂壇漸漸取得佳績，剛剛去年嘅樂壇頒獎禮收獲不俗，喺《叱咤頒獎禮》更勇奪3獎，包括「男歌手銀獎」，同時喺台上發放愛的宣言：「想多謝一個人，人愈大愈發覺需要認同，原來俾自己愛嘅人去認同係最重要。好感謝你，係你一路陪住我成長，陪住我度過好多難關。我會跑快啲，跑到我哋嘅終點。我愛你，多謝你嘅耐性。」
柏豪嘅愛的宣言並唔係同佢傳過緋聞嘅鄭融、何超雲、吳雨霏、連詩雅講，而係同佢拍拖6年嘅同居女友，任職I.T.時裝買手嘅StephanieChu講，柏豪雖然冇開名，但係其實佢早已肯定女友嘅地位，去年仲帶埋爸爸、媽媽同女友一齊喺中環食飯過節做冬，兩人亦已經同居超過兩年。
剛過去嘅星期日（23號），柏豪去咗紅館睇軟硬演唱會，未睇到完騷就先行離開，喺夜晚11點幾，火速趕到去機場登機櫃位登記入閘，柏豪亦大方承認去巴黎、倫敦旅行兩星期，要農曆新年之後先至返港，據知其實一向低調嘅柏豪女友Stephanie，早已分頭入閘，喺機場禁區等柏豪，一齊出發享受甜蜜假期。
柏豪噚日就喺facebook鋪出一張抽象似係早晨由睡房向戶外拍攝嘅相，柏豪同大家講：「GoodmoringParis」，透露自己身處早晨嘅巴黎，似乎甚為享受輕鬆嘅假期。
相信柏豪如果唔係因為擔心阻礙事業發展，早已同女友Stephanie拉埋天窗，所以柏豪早前攞獎，喺公開場合感謝女友等待話：「多謝你嘅耐性。」唔知今次甜蜜之旅後，又會唔會有喜事要宣佈呢？
柏豪嘅愛的宣言並唔係同佢傳過緋聞嘅鄭融、何超雲、吳雨霏、連詩雅講，而係同佢拍拖6年嘅同居女友，任職I.T.時裝買手嘅StephanieChu講，柏豪雖然冇開名，但係其實佢早已肯定女友嘅地位，去年仲帶埋爸爸、媽媽同女友一齊喺中環食飯過節做冬，兩人亦已經同居超過兩年。
剛過去嘅星期日（23號），柏豪去咗紅館睇軟硬演唱會，未睇到完騷就先行離開，喺夜晚11點幾，火速趕到去機場登機櫃位登記入閘，柏豪亦大方承認去巴黎、倫敦旅行兩星期，要農曆新年之後先至返港，據知其實一向低調嘅柏豪女友Stephanie，早已分頭入閘，喺機場禁區等柏豪，一齊出發享受甜蜜假期。
柏豪噚日就喺facebook鋪出一張抽象似係早晨由睡房向戶外拍攝嘅相，柏豪同大家講：「GoodmoringParis」，透露自己身處早晨嘅巴黎，似乎甚為享受輕鬆嘅假期。
相信柏豪如果唔係因為擔心阻礙事業發展，早已同女友Stephanie拉埋天窗，所以柏豪早前攞獎，喺公開場合感謝女友等待話：「多謝你嘅耐性。」唔知今次甜蜜之旅後，又會唔會有喜事要宣佈呢？