當年今日

求驗客手記:皇馬奧迪加特武肺虛驚

蘋果日報 2020/09/24 02:00

皇家馬德里皇家蘇斯達馬田奧迪加特武漢肺炎

西班牙傳媒報道,皇家馬德里中場馬田奧迪加特喺周日接受武漢肺炎病毒檢測時呈陽性,但隨後喺周二再進行第二輪檢測,證實佢同所有隊友嘅結果都係陰性,虛驚一場。奧迪加特喺周日皇馬作客以0:0悶和皇家蘇斯達嘅西甲新球季首戰正選披甲,佢被拍到曾經走到皇蘇後備席同一班上季舊隊友逐一握手,喺佢初步確診後,相信兩隊球員都好慌,好在家陣證實佢冇大礙。皇馬嘅病毒檢測唔係第一次出現偏差,門將泰拔高圖爾斯上月亦出現懷疑確診情況,最後都係虛驚一場。21歲嘅挪威中場奧迪加特今季結束不斷外借嘅生涯,今夏由皇蘇回歸皇馬,奧迪加特上季各項賽事為皇蘇上陣36場射入7球,當中包括喺西甲上陣31場射入4球。