練馬師葉楚航於今朝早（26日）七點十分左右，響機坪徘徊，等咗五分鐘就見到出戰周三（28日）晚第八場三班1200米的「僥倖」步出隧道口。

他立即上前接馬，又親自追問騎馬人關於馬匹的表現，最後更踩單車跟馬匹返馬房，十分緊張。

今仗夥拍騎師史卓豐的「僥倖」已經差唔多四個月冇出賽，航哥從告達理接手後，操練工夫由頭做起。近日，馬匹狀態亦見漸入佳境，今次縮程跑谷草1200米，隨時憑新鮮感，可轉倉即勝。