今日宋智孝著住紅裙喺世貿中心出席活動，笑容滿面嘅佢見到現場逼爆五百人，驚訝到擘大個口，又整心心手勢冧粉絲，有「懵智」之稱嘅佢在活動上不單止跌戒指，仲要人提醒先知泡菜最近改咗名做辛奇。

問到佢聖誕會點過？智孝就話：「會和Gary一起開工！」粉絲當正佢哋係真正情侶，即刻大叫Gary，宋智孝就用甜笑回應，不過再追問二個人嘅問題嘅時候，大會就落閘唔畀問。佢因今晚要即走，所以唔可以約李光洙睇香港夜景。

另外，宋智孝下星期會嚟香港參加MAMA頒獎禮。