自幼在破碎家庭成長,慶幸沒對欣宜留下童年陰影,相反她還憧憬將來可以建立幸福家庭。熱戀中,有位潮流雜誌攝影師男友Silas Lee錫到燶的欣宜,心中已有生BB計劃,27歲的她說:「我唔想做高齡產婦,我想大約35歲左右生,仲想自己有能力湊得郁,帶BB去公園踩單車、滑雪同去沙灘。」即使在外國長大,但欣宜思想非常傳統,她堅持婚後肚皮才開工:「我要step by step。」
欣宜的家庭計劃,三個先夠數,她說:「我嘅計劃係生一個,領養一個,再生一個。」身為獨女的欣宜愛熱鬧,她說:「我8個月時爸爸媽咪分開,我跟媽咪生活,媽咪唔舒服嘅時候,佢冇一個男人喺身邊照顧,好彩我可以陪伴喺度,如果唔係佢真係得一個人,令我更加明白,男女感情較容易分開,相對親情血濃於水,呢啲就係骨肉關係。」